talesfromthetrash_poster

Imaani arnaq plastikkit eqqakkat akornanni;

Arnaq kamattoq puussialisartuaannartoq imaluunniit arnaq siulittuisartoq?

Qanga, maannakkut siunissarlu pillugit arnaq taanna aqqutigalugu oqaluttuuppaatigut.

Isiginnaartitsisartoq, erinarsortartoq oqaluttuarisaanermillu oqaluttuartartoq Katrine Faber, Teater Viva Danmarkimeersoq kisimiilluni isiginnaagassiani isiginnaartitsissutigissavaa, isiginnaagassiaq tupaallannartortalik, kisimiilluni oqaluttoq oqaluttuartorlu, erinarsortoq, qitittoq nipilersukkanillu elektriskimik sanaanik appissimaarpoq

Isiginnaagassiami pinngortitaq, inuit, timit piffissarlu iserfigisaarlugit isiginnaagassiaavoq. Isiginnaagassiamut isumassarsiorluni Faber Islandimiittarsimavoq nunatsinnilu kiisalu angakkoq inuit kulturianniittoq aammalu nunat avannarliit upperisatoqaanni Vølven qujaffiginiarlugit isiginnaagassiami piffissap ingerlaneri silarsuillu assigiinngitsut erinarsornermik naapittaarput.

Kalaallit Nunaanniit, Islandimiit, Inuiaqatigiit mutiusuneersut kiisalu qangarsuaq nunat avannarliit upperisatoqaanniit Edda-mi allassimasut aallaavigalguit isiginnaagassiamut isiginnaartut sakkortuumik misigissuserissumik allanngorarnerit, ajornartorsiornerit, naanerit aallartinnerillu sammitinneqarput.

Nuannaarutigaara una isiginnaagassiaq nunatsinni isiginnaartartut takunissaanut periarfissaqarmata, Katrine Faber-ilu ilisimavara isiginnaartitsillaqqissutut oqaluttuarisaanermillu oqaluttuallaqqissutut, taamaattumik isiginnaariartussat qilanaarutissaqarput Nunatta Isiginnaartitsisarfiata ningiua Susanne Andreassen unnersiorpoq.

Sivisussusaa: 55 min. missaani.

Oqaatsit: Tuluttut

 

TUSAGASSIUUTINI ATTAVEQAAT
Susanne Andreasen, Nunatta Isiginnaartitsisarfia, tlf. 38 13 70 / 58 88 49 e-mail susanne@nuis.gl
imaluunniit Manasse Berthelsen, tlf. 279941 email manasse@nuis.gl

Plakaati kakkiuteqqavoq