Optagelsesprøve

Tigusaanissamut misilitsinneq - QALLUNAATUT

Isiginnaartitsisartutut ilinniartunngorusukkuit imatut qinnuteqassuutit
Kina qinnuteqarsinnaava?

Kinaluunniit 18-leereersimasoq imminut piukkuttoq qinnuteqarsinnaavoq.

Inerisimaneq, nammineersinnaaneq pimoorussisinnaanerlu piumasaqaataapput.

Kalaallisut oqalussinnaanerit annikippat piareersimasariaqarputit sukkasuumik kalaallisut oqaatsitta ilikkarnissaanut assoruussallutit.

Nipikkut timikkullu ajornartorsiuteqassanngilatit. Nipimut timimullu sungiusarnerit sakkortungaatsiartussaapput.

Ilinniartunngortut tamarmik misilitsinnerit marluk angusiffigisimassuaat.
Misilitsinnermi siullermi videomik (sivisunerpaamik 10 min.) nassiussaqassuutit imatut imalimmik:

1) Isiginnaagassiat arlaat Isiginnaartitsinermut Ilinniarfiup pisortaanit qinigaq immiussuat.
Qinigassat sisamat neqeroorutigineqarput, arnanut marluk angutinullu marluk. Ataasiinnaq qinissuat, ilinniarlugulu alanngaarsinnaanngussuat immiullugulu.

2) Erinarsuut nammineq qinikkat atussuat.
Nipilersuummik ingiorteqarsinnaavutit imaluunniit nipaannarmik atorsinnaavat.

3) Naatsumik imminut oqaluttuarigit – kinaanerit, qassinik ukioqarnerit, sulerisimanerit il.il. E-mailikkut adressit ilanngutissuat.
Misilitsinnermi inuit pingasut naliliissapput.
Ilinniartunngortut ilinniagaqarsiuteqarlutillu kollegieni inissaqartinneqassapput.

Qinnuteqaatit video-ngorlugu DVD-ngorlugu, mini DV-ngorlugu, emalikkulluuniit uunga nassiussuat:

Isiginnaartitsisartunngorniarluni qinnuteqaat (taanna ilanngullugu allassuat)

Emailikkut nassiussaqassuutit uunga: makka@nuis.gl

Isiginnaagassianiit takutitassat uani nassaarissuat: www.nuis.gl Tassanilu aamma isiginnaagassiat tamakkerlugit atuarsinnaallugit.

Nassiussaq aatsaat utertinneqarsinnaavoq nassiussat puussaanik frimærkilereernikumik ilanngussaqaruit.

Qinnuteqartut tamarmik e-mailikkut akineqassapput.
Ingerlaqqissimanngikkuit tamanna tunngavilersorneqassanngilaq.

Sumilluunniit apeqqutissaqaruit Isiginnaartitsisarnermut Ilinniarfimmi pisortaagallartoq Makka Kleist attavigineqarsinnaavoq tusarasuaatikkkut: 329232

Misilitsinnermi siullermi angusisimaguit misilitsinnerup aappaanut ingerlaqqissuutit.

Tassani piareersareernikuusat inuit marluk oqaloqatigiinnerat saqqummiussuat, arlaa inuttarissanerlugu nammineq qinissuat. Misilitsinnermi inuttaasup aappaata oqalunnera atuarneqartarumaarpoq. Aamma taallamik piareersariigarnik saqqumiutaqassuutit. Tamaasa soorunami alanngaassuatit. Taallaq inuillu marluk oqaloqatigiinnerat sunaassanersoq Ilinniarfimmi pisortat aalajagissuaat.

Misilitsinerup aappaa pissaaq naliliisussat ilagalugit.

Peqqissuunermut allagartaq nakorsamik atsiorneqarsimasoq nassassuat.

Qaqugu sumilu misilitsinneq pissanersoq e-mailikkut nalunaafigineqassuutit.

Misilitsinnerup aappaa imatut imaqassooq:

1) Inuit marluk oqaloqatigiittut
2) Taallaq
3) Ilitsersuisumik suleqateqarneq
4) Timi atorlugu sulineq, eqqaassuseq, nukittussuseq, ataqatigiissarisinnaaneq il.il.takorusullugit
5) Nipi atorlugu sulineq
6) Naliliisussat oqaloqatigineri

Qinnuteqartut tamaasa naliliisussat takoreerunikkit aalajagissuaat kikkut ilinniartunngornersut, misilitsinnerullu kingorna ullut pingasunngortinnagit akissutisereersimassallutik. Ilinniartunngunngitsoortut piumasarigunikku naliliisut arlaanik oqaloqateqarsinnaapput.

Nutaarsiassat

kingulliit

Tales from the trash

by Manasse Berthelsen | 24.02.2017 | Nutaarsiassat
Imaani arnaq plastikkit eqqakkat akornanni; Arnaq kamattoq puussialisartuaannartoq imaluunniit arnaq siulittuisartoq? Qanga, maannakkut siunissarlu pillugit arnaq taanna aqqutigalugu oqaluttuuppaatigut....
Læse mere

Inuusuttunut isiginnaartitsinissaq ammasoq

by Susanne Andreasen | 19.01.2017 | Nutaarsiassat, Uncategorized @gl
  NUUMMI NIPILERSORNERMIK ILINNIARFIK NUNATTALU ISIGINNAARTITSISARFIA INUUSUTTUNUT ISIGINNAARTITSILLUTIK MISILITTAARUSUTTUNUT QAAQUSIVOQ FEBRUARIP 18´AT 2017 NAL. 19-21   Maanna periarfissaqalerputit Isiginnaartitsivimmi...
Læse mere
Pisussat

Ullorsiutit

There are no upcoming events.