Nunatta Isiginnaartitsisarfia 1. marts 2020-imi imaluunniit isumaqatigiissut malillugu atorfinittussamik isiginnaartitsissusiornermut pisortassarsiorpoq.
Annertuumik suliaqarfiusumi isiginnaartitsisarfimmi sulerusuttumik, isiginnaartitsisarfimmi sulianik assigiinngitsunik suliaqartartunik qanimut suleqateqarusuttumik, aammalu nunami tamarmi angalaarluni isiginnaartitsiartortarnermik kivitseqataarusuttumik Nunatta Isiginnaartitsisarfia – The National Theatre of Greenland pimoorussisumik isiginnaartitsissusiornermut pisortassarsiorpoq.
Nunatta Isiginnaartitsisarfiata suliai tassaapput inersimasunut aamma meeqqanut-inuusuttunut isiginnaartitsissusiornerit, isiginnaartitsisartunngorniarluni ilinniartitaaneq, allanik peqateqarluni isiginnaartitsissusiornerit, tikeraarluni isiginnaartitsisarnerit, ilinniarsimanani isiginnaartitsisartut suliaqarfigisaannik siunnersuisarneq, kiisalu nunami namminermi aamma nunat tamalaani angalaarluni isiginnaartitsisarnerit
Akisussaaffigisat
- Suut isiginnaartitsissutassanersut aalajangerneqareeraangata isiginnaartitsissusiat (isiginnaartitsissutit angalanerillu) piviusunngornissaannut Isiginnaartitsiviup Pisortaa sinnerlugu Isiginnaartitsissusiornermut Pisortap akisussaaffigaa.
- Sulisitsisup sulisartullu pisinnaatitaaffiinik pisussaaffigisaanillu inatsisilersuisuni inatsisini isumaqatigiissutinilu aalajangersakkat atuuttut naapertuutsitaanissaat Isiginnaartitsissusiornermut Pisortap sulinermini nakkutigissavai.
- Isiginnaartitsissusiornissamut pisortaq allaffissornikkut Isiginnaartitsisarfiup Pisortaata ataaniippoq, piareersaanermut piviusunngortitsinermullu atasunut tunngatillugu tassaalluni taassuma suleqataa siunnersortaalu qaninnerpaaq.
- Isiginnaartitsisarfiup Pisortaa sinnerlugu atuuffigisami iluani iliuuseqarnermini Isiginnaartitsissusiornermut pisortaq teknikkikkut sulisunut naalagaavoq.
- Isiginnaartitsissusiornermut tunngasutut suliat sinneri siunertamut aalajangersimasumut takkussuuttut.
Suliassaqarfiit:
- Allaffissornerup isiginnaartitsissusiornerullu ataqatigiissutaat
- Isiginnaartitsissusiornermi ataatsimeeqatigiittarnerni aqutsisarnissaq
- Isiginnaartitsissusiornikkut pilersaarusiat, angalalluni isiginnaartitsiartornernut pilersaarusiat, kiisalu angalanissanut pilersaarutit
- Kalaallit Nunaat tamakkerlugu isiginnaartitsisarfinnut isiginnaagassianik tuniniaasarnissaq, ilaannikkullu aamma nunanut allanut
- Angalalluni isiginnaartitsisarnissanik aaqqissuussinerit, aamma isiginnaartitsisartunik tikeraarteqartarnerit, ilanngullugit billettinik inniminniinerit, nassatassat sinnerlugit nassartarnerit aamma isiginnaartitsisartunik inissiisarnissat
- Angalaarluni isiginnaartitsiartortarnernik aqutsineq
- Nuummi isiginnaartitsinernik ingerlatsinerni najuuttarnissaq
- Isiginnaartitsissutigineqartussanik pilersaarusianik paasissutissanik nutarsaasarnerit, kiisalu suliassat takkuttut isumagisarneri
Piginnaasat
- Isiginnaartitsisarnerup silarsuaa ilisimasaqarfigissavat
- Suliffeqarfimmi assigiinngiiaartunik suliaqarfiusumi suliniutinik pilersaarusiorneq misilittagaqarfigaat
- Allaffissornikkut piginnaasaqarputit
- Qarasaasialerisinnaavutit (Word, Excel, Acrobat il.)
- Maleruagassat atuuttut paasillugillu namminersuutigalugu iliuuseqarfigisinnaavatit
- Misiginneqatiginnissinnaavutit
- Ilimaginngisanik pisoqartillugu iliuuseqarsinnaavutit
- Suleqatiginnilluarsinnaavutit, aaqqissuussamik suleriaaseq atorpat, kiffartuusserusupputit, aammalu avatangiisut pinngortitaqarfiusut akornanniinnerit iluarisimaarpat
- Marloqqinnik oqaaseqartuuneq iluassagaluarpoq, piumasaqaataanngilarli
Iluarisimaarnartumik qanimullu suleqatigiinneq, aamma suliffik savitullunilu isumassarsinartoq, eqqumiitsuliornikkut annertuunik anguniagaqarfiusoq, aamma nunap iluani avataanilu suliarisat assigiinngiiaartut neqeroorutigisinnaavagut.
Atorfinitsitaanermi atugassarisat
Atorfik tassaavoq piffissaq tamakkerlugu atorfigisassaq isiginnaartitsisarfiup pisortaanut toqqaannartumik qullersaqarfilik.
Akissarsiat atorfininnermilu atugassarisat immikkut isumaqatigiissuteqarneq malillugu. Pequtit nuunnerinut akiliussisoqarpoq, tassunga ilaallutik akilikkanik atorfininnermi soraarnermilu angalanerit Namminersorlutik Oqartussat maleruagassat atuuttut malillugit. Atorfimmut atatillugu inissamik innersuussisoqarsinnaanngilaq.
Qinnuteqarnermut killissaq: ataasinngoq, ulloq 16. februar 2020
Qinnuteqaat C.V. ilanngullugu isiginnaartitsisarfiup pisortaanut Susanne Andreasenimut nassiutissaaq, e-mailikkut: susanne@nuis.gl. Atorfinitsitsiniarluni oqaloqatiginninnerit ingerlanneqartuassapput.
