Misigisassiaq
Nuummiut immikkuullarissumik isiginnaagassiamik “Angalasoq” aqqutigalugu misigisassaqalerput. Isiginnaartitsinermi pisortaq Susanne Andreasen ilaatigut ima oqaluttuarpoq: “Nunarsuaq tamarmi Covid-19 tunillaassuunnerata kingorna allanngoraleruttorfiani Nunatta Isiginnaartitsisarfiani allatut eqqarsartariaqarsimavugut pisullu uniffiginagit nutaaliorsinnaanissatsialattut tigullu inerisaasimalluta. Eqqumiitsuliornikkut inerisaanertut periarfissaq allaaveqartillugu suliaq aallartissimavarput taamaammallu inerisaasimalluta isiginnaagassiamik maluginniutit misiginniutit atorlugit misigisassamik. Suliaq ateqartipparput “Angalasoq”.
“Angalasoq” isiginnaagassiaanngilaq naliginnaasutut taasinnaasaq. Ini peqataasunut immikkut sanaajuvoq misikkarissutsit atorlugit ingerlaarfissiaq piffissap aalajangersimaqqissaartup iluani isersimaffissaq pitsaanerpaamillu assersuunneqarsinnaasoq qaninnerpaat tassaasinnaavoq qipiteriaq (labyrint) isiginnaariat eqimattaarakkuutaarlutit isertagassaat. Periuseq miginiutit atorlugit isiginnaagassialiortartunit aallaaveqarpoq isiginnaariallu misiginiutitik takorluuisinnaassutsitillu atorlugit inuunerup ingerlarnganilusooq angalatinneqassapput.
Inuit eqimattat qulikkaarlutik isersinnaasassapput.
PIFFISSAQ EQQORLUGU TAKKUTISSAASI, inortuisut isertinneqarsinnaanngillat.
Ukiut: 15-ileereersimasuniit
Sivisussusaa: 30 min.
Oqaatsit atorneqartut: Kalaallisut
MALUGIUK September 4. aamma 6. tuluttut takutinneqassaaq.
Pitsorluttuuguit nalunaajaalaarina.
