Nunatta Isiginnaartitsisarfia – The National Theatre of Greenland – allatsimik, suliffeqarfimmi ulapaarfioqisumi sulerusuttumik, isiginnaartitsisarfimmi ulluinnarni aqutsisumik qanimut suleqateqarsinnaasumik aamma Kalaallit Nunaanni isiginnaartitsinerup silarsuaani inerisaaqataasinnaasumik ujarlerpoq.

Nunatta Isiginnaartitsisarfiata suliai tassaapput inersimasunut aamma meeqqanut inuusuttunullu isiginnaagassiornerit, isiginnaartitsisartunngorniarluni ilinniarfeqarneq, allanik suleqateqarluni isiginnaagassiornerit, isiginnaartitsisussanik tikeraaqarnerit, kajumissutsiminnik isiginnaartitsisartunik siunnersuinerit  aamma nunami namminermi nunanilu tamalaani isiginnaartitsineq tunngavigalugu angalanerit.

Akisussaaffigisassat:

  • Illup iluani allaffissornikkut suliassat ataavartumik isumaginissaat
  • Ilinniarfeqarnermut aningaasaliissutaasimasut, aningaasarsiat ilinniartitsisussanullu atorfinitsitsinermut tunngasut ataavartumik isumaginissaat
  • Attaveqaqateqarnermut tunngasutigut akisussaaffigisassat:
    – ilinniartut Ilinniagaqarnersiutaat aamma ineqarnermut tunngasut (Ilinniagaqarnersiuteqarnermik Isumaginnittoqarfik aamma KAF)
    – Ilinniakkamut atatillugu paasisassarsiornerit aamma paarlaateqatigiinnerit

– Ilinniarnermut atatillugu suliffimmik misiliinerit (praktik)

– Ilinniartut tamanut ammasumik takutitsineri, piareersaanerit, aningaasaateqarfinnut qinnuteqaasiornerit aamma taperneqarsimagaanni nalunaarusiornerit

  • Pikkorissarnerit allaffissornertai (Kursusadministration)
  • Ilinniartitaaneq pillugu inatsisit malinneqarnissaat aamma Ilinniartitaanermut Naalakkersuisoqarfimmik attaveqarnerit – misilitsinnissannut innersuussinerit, censorissanik akuerinnerit, allagartartaartitsinerit il.il. ataavartumik isumaginissaat.
  • Ilinniartut ECTS-point-iinik nalunaarsuinerit
  • Takkutinngitsoornernik nalunaarsuinerit
  • Ilinniarnerup nalaani naliliinerit katersornissaat
  • Allaffissornikkut nalunaarsuutit nutarsarnissaat ineriartortinnissaallu (journalsystem)
  • Isiginnaartitsisarfimmi pisortamik allaffissornerup tungaatigut sulianik takkuttunut atatillugu, Naalakkersuisoqarfimmut, siulersuisunut, ilinniarmut atatillugu siunnersuisoqatigiinnut, aningaasaateqarfinnut, tusagassiorfinnut assigisaannulluunniit tunngasunik suliassanut ikiuunneq.

Allatsi ujagarput tassaassaaq:

  • EVU/HK-mik imaluunniit allaffissornermik ilinniagalik
  • Suliassanut tunngatillugu misilittagalik
  • IT-mik misilittagalik
  • Nammineq sulisinnaassusilik, peqqissaartoq aamma akisussaassusilik
  • Kiffartuussillaqqissoq, pitsaasumik suleriaasilik aamma suleqateqallaqqissoq
  • Ilinniarfinnik pikkorissaanermilluunniit ingerlatalinni misilittagaqarneq aamma ajussanngeqaaq
  • Oqaatsinut pikkorissuuneq, kalaallisut, qallunaatut tuluttullu

Atorfimmut tunngasut
Akissarsiat atorfininnermilu atugassarititaasut Namminersorlutik Oqartussat Atorfillit Kattuffiatalu akornanni atuuttoq kontorfuldmægtig aallaavigalugu atorfeqartoqartitsisaaq.

Atorfimmut atatillugu inissamik innersuussisoqarsinnaanngilaq.

Atorfik pillugu paasisaqarnerorusukkuit isiginnaartitsisarfiup pisortaa attavigiuk: Susanne Andreasen, telefon + 299 38 13 76 / +299 58 88 49, e-mail: susanne@nuis.gl

Kingusinnerpaamik qinnuteqarfissaq: 2.juni 2021.

Sulilernissaq: Isumaqatigiissut malillugu piaarnerpaamik.

Qinnuteqaat allaffimmi pisortamut Edvard Lyberth-Mørchimut  nassiunneqassaaq, uunga: edvard@nuis.gl

© Alle rettigheder forbeholdt Nunatta Isiginnaartitsisarfia, 2018 Powered by Nuna Media Designs.