Nunatta Isiginnaartitsisarfia ilisaritippa PALASI
Piitsukkut nipilersugaat aallaavigalugit tusarnaartitsilluni isiginnaagassiaq
”Tusaavarput una oqaaserinngisatsinnik oqaasilik assani isaallugit assagut utaqqiinnarai” Taama, Piitsukkut atugaat puioruminaatsoq, PALASI aallartippoq.
Uani nipilersorluni isiginnaagassialiaq nutaaliaasumi kalaallit oqaluttuarisaata ineriartornerujussua aqqusaarneqassaaq – kritsumiumut saanneq, toqu, pikisitsitsineq aammalu aniguisitaaneq. Ullumikkut inissisimaffipput paasissagaanni pisimasut qiviarneqartariaqarput.
Oqaluttuaq nipilersorneq, erinarsorneq, isiginnaartitsineq, filimi assillu aalasuliat atorlugit oqaluttuarineqarpoq. Isiginnaartut naatsorsuutigisinnaavaat Piitsukkut nipilersugaat nutaaliarineqarsimasut aammalu nipilersoqatigiinnik ingiorneqarlutik appisimaarnissaat.
Isiginnaagassiaq Hans Egede Nuummut tikinneraniik ukiut 300-t qaangiunneranut malunnartitsiniutaavoq, nualluullu corona peqqutaalluni kinguaattornikuulluni.
