Nunatta Isiginnaartitsisarfia – The National Theatre of Greenland isiginnaartitsinermik ilinniarfimmi akisussaasussamik juunip aallaqqaataani atorfinittussarsiorpoq
Kalaallit Nunaanni inuussutissarsiutigalugu isiginnaartitsartut kinguaariit tullii sunneeqataaffigerusuppigit?
Nunatta Isiginnaartitsisartunngorniarfiani eqqumiitsuliornikkut perorsaanikkullu akisussaasuussaatit, maannakkorpiaq ilinniartunngorsinnaasut tallimaapput.
Ilinniarnerup bachelorinngorniarluni ukiunik pingasunik sivisussusilimmik ilinniartunut tallimanut inissaqarluni ilinniarfinngornissaa maanna sulissutigineqarpoq.
Isiginnaartitsisartunngorniarfimmi akisussaasussaq Isiginnaartitsisarfimmi pisortamik suleqateqassaaq aamma Ilinniartitaanermut Siunnersuisoqatigiinni suleqataassalluni.
Akisussaaffissat:
o Ilinniarnerup nalaani anguniagassat aalajangersimasut piareersaasiornertigut, aaqqissuunnerisigut piviusunngortinnissaasigullu qulakkeerneqarsinnaasariaqarpoq.
o Ilinniartitsinermi akisussaasutut isiginnaartitsinermi teknikkit ilisimasariaqakkat assigisaallu ilinniartitsissutigisinnaanissai ilimagineqassaaq. Atorfik piffissaq tamaat atorfiuvoq, naatsorsuutigineqassaarlu piffissap 30 procentia ilinniartitsinermut ilitsersuinermullu atorneqassasoq.
o Ilinniartunik siunnersuineq killiffiinillu nalilersuineq.
o Ilinniartut takutitsinissaannik, ilinniarnermut atatillugu angalanissaannik, workshoppernissaannik il.il piareersaaneq piiusunngortitsinerlu.
o Atorfinittussaq isiginnaartitsisarfimmi pisortaq suleqatigalugu ilinniartitsisussarsiortassaaq ilinniakkallu imarisaasa naleqquttuuneranik pitsaassusaanillu qulakkeerinnissalluni.
Nunatta Isiginnartitsinermik Ilinniarfia bachelorinngorniarluni ukiuni pingasuni ilinniartuunermut, ilinniartunut arfineq-marlunnut inissamlimmut, allanngortinniarneqarpoq. Anguniarneranilu makku suliassaapput:
o Fagit ilinniartitsissutit ilinniakkallu imarisassai ineriartortinneqassapput
o Ilinniakkap ilusilersornera
o Ilinniakkap imai
o Ilinniakkap suussusaanik ineriartortitsineq
Pisinnaasassat
Atorfinittussaq makkuninnga pisinnaasaqassaaq
o Eqqummaarissuussaaq, torersumik suleriaaseqarluni iliuuseqarsinnaassuseqarlunilu,
o Kalaallisut, qallunaatut tuluttullu oqaatsinik ilisimasaqassaaq aamma inuit kalaallillu kulturiannik ilisimasaqarluassalluni,
o Isiginnaartitsinermik misilittagaqassaaq ilisimasaqassallunilu, soorlu isiginnaartitsisartutut, isiginnaartitsisup suleriaasianik ilisimasaqassalluni aamma suliffinni allani sulialinnik suleqateqarsinnaassalluni,
o Ilinniartitsisuunermik misilittagaqassalluni,
o Eqqumiitsuliornikkut ineriartortitsinermik takorluuisinnaassuseqassalluni aamma ilinniarfimmi ilinniartitsisut ilinniartullu suleqatigalugit takorluukkanik piviusunngortitsisinnaassalluni,
o Ilinniarfik saqqumilaartissallugu, isiginnaartitsisarfiup illutaani aamma isiginnaartitsisarfinni allani, aamma isiginnaartitsisartunngorniat isiginnaartitsinernillu aaqqissuisartut attaveqaqatigiilissallugit,
o Inerititaqarfiusumik nutaaliortumillu Isiginnaartitsisarfimmi ulluinnarni aqutsisut, sulisut aamma ilinniartut suleqatigissallugit.
Atorfimmut tunngasut
Isiginnaartitsinermik ilinniarfimmi akisussaasutut atorfik ukiunik sisamanik sivisussusiligaavoq, sivitsornissaanulli periarfissaqarluni.
Akissarsiat atorfininnermilu atugassarititaasut immikkut ittumik isumaqatigissutigineqassapput.
Atorfimmut atatillugu inissamik innersuussisoqarsinnaanngilaq.
Atorfik pillugu paasisaqarnerorusukkuit Isiginnaartitsinermik Ilinniarfiani ilinniartunut akisussaasoq attavigiuk: Vivi Sørensen telefon + 299 38 13 81, e-mail: vivi@nuis.gl
Kingusinnerpaamik qinnuteqarfissaq: 23. April 2023.
Sulilernissaq: 1. juni 2023.
Qinnuteqaat allaffimmi pisortamut Edvard Lyberth-Mørchimut nassiunneqassaaq, uunga: edvard@nuis.gl
