Takutitsineq nipilersornertalik Akunnerit tassaavoq Laarseeraq Svendsenimut nipilersugassiaanut nersorinnissut. Unnuk nipilersorfiusoq inersimanerusunoortoq ataatsimoornermik nuannisaaqatigiinnermillu aallaaveqassaaq.

Isiginnaartitsineq/takutitsineq pisimasuimmik tunngaveqanngilaq, taamaattorli erinnat nammineq oqaluttuartikkumaarpagut ullutsinnut isersaartillugit. Nipilersukkat nutaamik aaqqissuunneqarput erinarsortartunillu inuusuttunik pingasunit timitalersorneqassallutik.

Taallat nunatta pinngortitaanut inuinullu tulluusimaarpasissumik asannippasissumillu imalimmik sanaajupput. Sunali tamarmi nuannersuinnaanngilaq, taamaammat tupaallattoqalaarnissaanut kiisalu illaqatigiilaarnissamut periarfissaqarluassaaq.

12. juli – NUUK
13. juli – NUUK
17. juli – PAAMIUT
19. juli – QAQORTOQ
21. juli – NANORTALIK
23. juli – NARSAQ
31. juli – TIVOLI
1. august – TIVOLI
3. august – AALBORG (Teater Nordkraft)