”Timmissap meqqui eqqumiitsut” pilersinneqarpoq Irlandimiut silaannakkuujutigalutik qitittartut Fidget Feet kiisalu Islandimiut qitittartut Bird / Bat siullermeerlutik suleqatigiinnerisigut. Nipilersuutit silaannakkullu qitilluni meeqqanut isiginnaagassiaq marlunniit arfineq-marlunnut ukiulinnut naleqqussagaavoq.

Meeqqanut isiginnaagassiami timmiaaqqat marluk tukeqqaarneraniit malinnaaffigissavagut avatangiisiminnik misissuisut, nipilersullaqqissumik naapitsinerat timminiaqqaartalernerallu. Isiginnaagassiaq naammassippat isiginnaartut takutitsisut naapissinnaavaat.

 ”Timmissap meqqui eqqumiitsut” takuteqqaarneqarpoq Tjarnarbió-imi Islandimi september 2016-mi, isiginnaagassiarinerani Riverbank Arts Center, Irlandimi Newbridge-imiittoq suleqatigalugu.