Nunatta Isiginnaartitsisarfianut allaffimmi aqutsisoq – Inuttassarsiuteqqitaq

Allaffimmi aqutsisumik pimoorussisumik, isiginnaartitsisarfmmi annertuumik suliaqarfiusumi sulerusussuseqartumik, isiginnaartitsisarfiup siulersuisuilu qanimut suleqateqarusuttumik, aammalu isiginnaartitsisarfimmut anguniakkanik nutaanik suleqatigeeriaatsinillu pilersitserusuttumik Nunatta Isiginnaartitsisarfia – The National Theatre of Greenland ujaasivoq.

Nunatta Isiginnaartitsisarfiata suliaaniipput inersimasunut, aamma meeqqanut inuusuttunullu isiginnaartitsissusiornerit, isiginnaartitsisartunngorniartunik ilinniartitsinerit, peqateqarluni isiginnaartitsissusiornerit, tikeraarluni isiginnaartitsisarnerit, ilinniarsimanngitsut isiginnaartitsinermik suliaqarfigisaannut siunnersuisarnerit, kiisalu nunami namminermi aamma nunat tamalaani angalalluni isiginnaartitsisarnerit.

Akisussaaffigisat
– Isiginnaartitsisarfiup pisortaanut tullersortaaneq
– Isiginnaartitsisarfimmut aamma Isiginnaartitsisunngorniarluni ilinniarfimmut naatsorsuutinut aningaasaqarnernullu qullersatut akisussaaffeqarneq, ilanngullugit Isiginnaartitsisarfiup pisortaanut siulersuisuinut nalliuteqqittartunik nalunaarutinik missingersuutinillu malitseqartitsinernik suliaqarnerit, suliniutinut missingersuusiornerit il.il.
– Sulisunik aqutsineq, ilanngullugit HR-imi suliassat, sulinissamut najugaqarnissamullu akuersissutit, isumaqatigiissutissanik isumaqatiginninniarnerit aamma isumaqatigiissutissiornerit
– Aaqqissuussivimmi aamma Naalakkersuisoqarfimmut tunngatillugu malittarisassianik, tunngavissiissutinik aamma innersuussutinik suliaqarnernut tunngatillugu isiginnaartitsisarfiup pisortaanut siunersiueqatigisaq
– Siulersuisunut aamma Ilinniartitaanermut siunnersuisartunut allatsiuneq
– Allaffimmi maannakkut suliariligassat sinnerinik isumaginninneq

Tamakku saniatigut allaffimmi aqutsisup isiginnaartitsisarfimmi pisortat suleqatigalugit makku peqataaffigai:
– Isiginnaartitsisarfinnik allanik aamma kultureqarnermi ingerlatsiviusunik suleqateqarluni suliniutit
– Qinnuteqaatit
– Aningaasaliisussarsiornerit
– Isiginnaartitsissusianut naleqqiullugu pisinnaatitaaffigisanik qulakkeerinerit

Piginnaasat
– Naatsorsuuserisarnermut tunngasumik tunngaveqarnissaq, ajornanngippat suliffeqarfinni mikinerusunik sulinermik misilittagaqarlutit
– Sulisunik aqutsinermik suliaqarnermik iternga tikillugu ilisimasaqarlutillu misilittagaqarnissat
– Oqaatsit kalaallisut, danskisut tuluttullu allattariarsornikkut oqalunnikkullu piginnaaneqarfigissagitit, aamma kalaallit kulturiat ilisimasaqarfigilluassagit
– Suleqatiginnilluarsinnaanissat, ilusilersukkamik suleriaaseqarnissaq, kiffartuusserusunnissat, aamma
avatangiisini pinngortitsiviusumi akuuneq iluarusuutigissagit

Suleqatigiinneq iluarinarlunilu qanimoortoq, aammalu suliffeqarfik savitooq isumassarsinartorlu
annertuunik eqqumiitsuliornikkut angusaqarniartoq nunamilu namminermi allanilu assigiinngiiaartunik
suliaqarfiusoq neqeroorutigisinnaavarput.

Atorfininnissamut atugassarisat
Atorfik tassaavoq piffissaq tamaat suliffiusussaq, isiginnaartitsisarfiup pisortaanut toqqaannartumik
qullersaqarfiusoq.
Inunnut ataasiakkaanut tunngatitanik isumaqatigiissutaasoq najoqqutaralugu aningaasarsiat atorfininnermilu
atugassarisat. Pisattanik nuussineq isumagineqassaaq, ilanngullugit Namminersorlutik Oqartussani
atorfinitsitaanermi malittarisassiat atuuttut malillugit tikinnermut aallarnermullu angalanermut
pisinnaatitaaffeqarneq. Atorfimmut inissamik neqerooruteqartoqarsinnaanngilaq.

Qinnuteqarnissamut killissarititaq: 22. april 2019
Qinnuteqaat C.V. ilanngullugu isiginnaartitsisarfiup pisortaanut Susanne Andreasenimut nassiutissaaq emailikkut:
susanne@nuis.gl. Atofinititsiniarnermi oqaloqatiginninnerit ingerlanneqartuassapput.

DEL NYHEDEN

Share on facebook
Share on twitter
Share on linkedin
Share on pinterest
Share on print
Share on email
© Alle rettigheder forbeholdt Nunatta Isiginnaartitsisarfia, 2018 Powered by Nuna Media Designs.