Homo sapienne Paamiunut tikinngitsoorpoq

Ippassaq Paamiuliarnissarput iluatsinngilaq, ullumilu apuussinnaanerput periarfissaanngimmat Nunatta Isiginnaartitsisarfianiit ajuusaarutigeqisattsinnik aalajangiupparput ukioq manna Homo sapienne Paamiuni takutinnissaa taamaatillutigu. Ippassaq kingusinaarnermut peqqutaavoq Ilulissani pujorpallaarnera pissutigalugu aatsaat unnukkut Ilulissaniit tikikkatta, timmisartoq Paamiuliartoq inortorlugu.

Tamatigut uggornartuaannarpoq isiginnaartitsinissamik taamaatitsineq, silali kisimi naalajaavoq. Oqaatigereersinnaavarpullu aappaagu isiginnaagassiaq Homo sapienne nappaqqinniarlugu, ukioq mannalu tikinngisagut isiginnaartitsiffigiartorniarpagut avannaa kangialu angalffiginissaanni.

Isiginnaartitsisartut maannakkut Nuummiipput, aqagulu angallammik Maniitsuliassallutik marloriarlugu isiginnaatitsissutigiartorlugu arfininngornernermi sapaammilu atuarfiup aulani, Maniitsumeereerunik isiginnaagassiap allannerani illoqarfik kingulleq tikissavaat Sisimiut.

DEL NYHEDEN

Share on facebook
Share on twitter
Share on linkedin
Share on pinterest
Share on print
Share on email
© Alle rettigheder forbeholdt Nunatta Isiginnaartitsisarfia, 2018 Powered by Nuna Media Designs.