Nunatta Isiginnaartitsisarfianut allaffimmi aqutsisoq

Allaffimmi aqutsisumik pimoorussisumik, isiginnaartitsisarfmmi annertuumik suliaqarfiusumi sulerusussuseqartumik, isiginnaartitsisarfiup pisortaanik qanimut suleqateqarusuttumik, aammalu isiginnaartitsisarfimmut anguniakkanik nutaanik pilersitserusuttumik Nunatta Isiginnaartitsisarfia – The National Theatre of Greenland ujaasivoq.

Nunatta Isiginnaartitsisarfiata suliaaniipput inersimasunut, meeqqanut inuusuttunullu isiginnaartitsissusiornerit, isiginnaartitsisartunngorniartunik ilinniartitsinerit, peqateqarluni isiginnaartitsissusiornerit, tikeraarluni isiginnaartitsisarnerit, kajumissutsimik isiginnaartitsinermik suliaqartunik siunnersuisarnerit, kiisalu nunatsinni nunanullu allanut angalalluni isiginnaartitsisarnerit.

Akisussaaffiit

  • Isiginnaartitsisarfiup pisortaanut tullersortaaneq
  • Isiginnaartitsisarfimmut aamma Isiginnaartitsisunngorniarluni ilinniarfimmut naatsorsuutinut aningaasaqarnernullu qullersatut akisussaaffeqarneq, ilanngullugit Isiginnaartitsisarfiup pisortaanut siulersuisuinut killiffinnik nalunaarutinik missingersuutinillu suliaqarnerit, suliniutinut missingersuusiornerit il.il.
  • Sulisunik aqutsineq, ilanngullugit HR-imi suliassat, isumaqatiginninniarnerit aamma isumaqatigiissutissiornerit
  • Naalakkersuisoqarfimmut suliffeqarfillu eqqarsaatigalugit malittarisassianik, tunngavissiissutinik innersuussutinillu suliaqarnernut tunngatillugu isiginnaartitsisarfiup pisortaanut tapertaasarneq
  • Siulersuisunut aamma Ilinniartitaanermut siunnersuisooqatigiinnut allattaaneq
  • Allaffimmi suliassanik assigiinngitsunik isumaginninneq

Tamakku saniatigut allaffimmi aqutsisoq pisortaq peqatigalugu makkunannga suliaqartassaaq:

  • Isiginnaartitsisarfinnik allanik aamma kultureqarnermi ingerlatsiviusunik suleqateqarluni suliniutit
  • Qinnuteqaasiornerit
  • Aningaasaliisussarsiornerit
  • Isiginnaartitsissusianut eqqarsaatigalugit pisinnaatitaaffigisanik qulakkeerinninnerit

Piginnaasat

  • Naatsorsuuserisarnikkut tunuliaqutaqarnissaq, suliffeqarfinnilu minnerusuni sulinermik misilittagaqarneq
  • Sulisunik aqutsinermik suliaqarnermillu sukumiisumik ilisimasaqarlunilu misilittagaqarnissaq
  • Oqaatsit kalaallisut, danskisut tuluttullu allattariarsornikkut oqalunnikkullu piginnaaneqarfigissagitit, aamma kalaallit kulturiat ilisimasaqarfigilluassagit
  • Suleqatiginneriallaqqissuunissat, aaqqissuussillaqqinnissat kiffartuusserusunnissallu aammalu eqqumiitsuliortut pinnguiniarlutillu suliallit akornanni suleqataasinnaanissat.

Suliffimmi qanimut nuannersumik anersaaqarluni inigaqarusussuseqarlunilu suleriaasilimmi eqqumiitsuliornikkullu qaffasissumik nunatsinni nunanilu allani angusaqarusuttumi suliffeqalernissannik neqeroorfigaatsigit.

 

Atorfininnissamut atugassarisat

Atorfik tassaavoq piffissaq tamaat suliffiusussaq, isiginnaartitsisarfiup pisortaanut toqqaannartumik qullersaqarfiusoq.

Inunnut ataasiakkaanut tunngatitanik isumaqatigiissutaasoq najoqqutaralugu aningaasarsiat atorfininnermilu atugassarisat. Pisattanik nassiussineq nussuinerlu isumagineqassaaq, ilanngullugittaaq Namminersorlutik Oqartussani atorfinitsitaanermi malittarisassiat atuuttut malillugit tikinnermut aallarnermullu angalanermut pisinnaatitaaffigineqarput. Atorfimmut atasumik inissaqartitsisoqanngilaq.

Qinnuteqarnissamut killissarititaq: Pingasunngorneq ulloq 18. marsi 2020

Qinnuteqaat C.V. ilanngullugu isiginnaartitsisarfiup pisortaanut Susanne Andreasenimut nassiutissaaq emailikkut: susanne@nuis.gl.

DEL NYHEDEN

Share on facebook
Share on twitter
Share on linkedin
Share on pinterest
Share on print
Share on email
© Alle rettigheder forbeholdt Nunatta Isiginnaartitsisarfia, 2018 Powered by Nuna Media Designs.