Tigusaanissamut Misilitsinneq

Misilitsinneq

Isiginnaartitsinermik Ilinniarfimmut qinnuteqarnissamut malittarisassat

Paasissutissat

Kina qinnuteqarsinnaava?

Kinaluunniit 18-leereersimasoq imminut piukkuttoq qinnuteqarsinnaavoq.

Inerisimaneq, nammineersinnaaneq pimoorussisinnaanerlu piumasaqaataapput.

Kalaallisut oqalussinnaanerit annikippat piareersimasariaqarputit sukkasuumik kalaallisut oqaatsitta ilikkarnissaanut assoruussallutit.

Nipikkut timikkullu ajornartorsiuteqassanngilatit. Nipimut timimullu sungiusarnerit sakkortungaatsiartussaammata.

Tingusaanissamut misilitsinnerit

Qinnuteqartut tamarmik tingusaassagunik misilitsinnerit marluk angusiffigisimassavaat.
Misilitsinnermi siullermi videomik (sivisunerpaamik 10 min.) nassiussaqassaatit imatut imalimmik:

  1. Isiginnaagassiat ilaanniit kisimiilluni oqalunneq (monolog) Ilinniarfiup pisortaanit qinigaq immiutissuat.

Qinigassat sisamat neqeroorutigineqarput, arnanut marluk angutinullu marluk. Ataasiinnaq qinissuat, alanngaarsinnaanngorlugu ilinniassuat immiullugulu.

  1. Erinarsuut nammineq qinikkat atussuat. Nipilersuummik ingiorteqarsinnaavutit imaluunniit nipaannarmik atorsinnaavat (Acapella)
  2. Naatsumik imminut oqaluttuarigit 

Kinaanerit, qassinik ukioqarnerit, sulerisimanerit kiisalu sooq isiginnaartitsinermik iliniarfimmut qinnuteqarnerlutit ilanngutissavatit.

Qinnuteqaatip nassiunnissaa

Qinnuteqaatit videonngorlugu DVD-ngorlugu, fil-itulluunniit  emalikkut uunga nassiussuat: audition@nuis.gl – allassavallu ”Isiginnaartitsinermik ilinniarfimmut qinnuteqaat”, eqqaamassavallu adresseppit ilanngunnissaa. Nassiussaq allakkatigut nassiussaappat, aatsaat utertinneqarsinnaavoq nassiussat puussaanik frimærkileriikkamik ilanngussaqaruit.

Isiginnaagassianiit kisimiilluni oqalunnerit takutitassat uani nassaarissavat: www.nuis.gl

Qinnuteqartut tamarmik e-mailikkut akineqassapput. Ingerlaqqissimanngikkuit tamanna tunngavilersorneqassanngilaq.

Sumilluunniit apeqqutissaqaruit Isiginnaartitsisarnermut Ilinniarfimmi pisortaq attavigineqarsinnaavoq oqarasuaatikkut: 38 13 81

Misilitsinnermi siullermi angusisimaguit misilitsinnerup aappaanut ingerlaqqissaatit.

 

Misilitsinnerup aappaa imatut imaqassaaq:

1) Inuit marluk oqaloqatigiittut
2) Taallaq
3) Ilitsersuisumik suleqateqarneq
4) Timi atorlugu sulisoqassaaq, eqqaassuseq, nukittussuseq, ataqatigiissarisinnaaneq il.il. takorusullugit
5) Nipi atorlugu sulineq
6) Naliliisussat oqaloqatigineri

 

Tassani piareersareernikuusat inuit marluk oqaloqatigiinnerat saqqummiutissuat, arlaat inuttarissanerlugu nammineq qinissuat. Misilitsinnermi inuttaasup aappaata oqalunnera atuarneqartarumaarpoq. Aamma taallamik piareersariingarnik saqqumiussaqassaatit. Tamaasa soorunami alanngaassavatit. Taallaq inuillu marluk oqaloqatigiinnerat sunaassanersoq ilinniarfimmi pisortat aalajagissavaat.

Misilitsinerup aappaa pissaaq naliliisussat ilagalugit. Naliliisussallu pingasuupput.

Peqqissuunermut allagartaq nakorsamik atsiorneqarsimasoq nassassavat.

 

Toqqaaniarneq akuerisaanerlu

Misilitsinnerup aappaani qinnuteqartut tamaasa naliliisussat takoreerunikkit aalajagissavaat kikkut Nunatta Isiginnaartitsinermik Ilinniarfiani ilinniartunngornersut

Qinnuteqartut  tamarmik misilitsinnerup aappaata kingorna ullut marlunngortinnagit akineqarumaarput.

Ilinniartunngunngitsoortut piumasarigunikku naliliisunik oqaloqateqarsinnaapput.

 

Ilinnialernissaminnut tingusaasut ilinniagaqarnersiuteqarnissaminnut kollegienilu najugaqarsinnaanermut pisinnaatitaapput.

© Alle rettigheder forbeholdt Nunatta Isiginnaartitsisarfia, 2018 Powered by Nuna Media Designs.