Qinnuteqarit
ISIGINNAARTITSISARTUNNGORNIARNISSAMUT QINNUTEQARFISSAQ
12. JANUAR 2025 kingusinnerpaamik Nunatta Isiginnaartitsinermik Ilinniarfianut isiginnaartitsisartunngorniarusuttunut qinnuteqarfissaq killingitinneqarpoq
Ilinniarnerup taaguutaa
Isiginnaartitsisartutut bachelori (Bachelor i Skuespil / Bachelor of Fine Arts in Acting)
Piumasaqaatit
- Ilinnialinnginnermi 18-inik ukioqalereersimanissaq
- meeqqat atuarfiannik naammassinnissimanissaq
- Nunatta Isiginnaartitsisarfianit akuerisaanissamut misilitsinnermi angusisimanissaq
Akuerisaanissamut misilitsinnissaq
- Akuerisaanissamut misilitsinneq marloqiusaavoq
- Akuerisaanissamut aappassaannik misilitsissagaanni akuerisaanissamut misilitsinnermi siullermi angusisimanissaq piumasaqaataavoq
Akuerisaanissamut misilitsinnerutp immikkoortua siulleq
- Isiginnaartitsissummik ataatsimik arlalinnilluunniit siumoortumik Nunatta Isiginnaartitsisarfianit toqqarneqarsimasunik qinnuteqartullu nammineq videokkut saqqummiussassaanik aallaaveqarpoq
- Video qinnuteqartumit akuerineqarnissamut siulersuisunut nassiunneqassaaq
Akuerisaanissamut misilitsinnerit aappaat
- Qinnuteqartup nammineerluni takkunneranik aallaaveqarpoq, tassani ilaatigut isiginnaartitsissummik akuerisaanissamut siulersuisunut qinnuteqartup eqqumiitsuliornermut piginnaasaanik naliliinissamut tunngaviusussamik qinnuteqartoq isiginnaartitsissummik takutitsissaaq
- Siulersuisut qinnuteqartorlu aamma oqaloqatigiinnerat ilaatinneqarpoq
Oqaloqatigiinneq qinnuteqartup imatut ittuuneranik naliliinissaq qitiutitsiffiussaaq
- Ilikkagaqarnissamut piareersimaneq nammineersinnaanerlu
- Inooqataanermi piginnaasat suleqatiginnissinnaassuserlu
- Attaveqaqatiginnissinnaanerit aamma akissuteqarsinnaanerit
- Takorluukkat isumassarsianillu piviusunngortitsisinnaanerit
Qinnuteqarnissamut periuseq
Nittartagaq sullissivik.gl aqqutigalugu qinnuteqarsinnaaneq maanna suliarineqaleruttorpoq, tassani aamma video-mik immiussamik qanoq nassiussisoqarsinnaaneranik ilitsersuutitaqartussamik.
Ilinniarnissamut akuerineqarneq
Nunatta Isiginnaartitsisarfiata ilinniarniarlutik qinnuteqartut uku tamakkerlugit naliliissapput:
- Piukkunnaatit
- Pisinnaasat
- Piginnaasat
- Misilitsinnermit naliliineq
- Qinnuteqartup kajumissutsini aallaavigalugu qinnuteqaataa
Anguniagaq
Nunatta Isiginnaartitsinermik Ilinniarfia Nunatta Isiginnaartitsisarfianut atasup tunngaviusumik isiginnaartitsivimmi eqqumiitsuliornermut sammisani anguniagarai:
- Tunngasunik teoriinik ilisimasaqarneq
- Assassorsinnaalluarsinnaaneq
- Sammisat akimorlugit piginnaasaqarneq
- Eqqumiitsuliortunik isiginnaartitsinermilu teknikkikkut qaffasissumik ingerlatsisinnaaneq
- Namminersorlutik pilersitsisinnaaneq
- Eqqumiitsuliortuuneq
Ilisimasassatut tunngavigisat
- Eqqumiitsuliortutut ineriartortitsilluni suliaqarsinnaaneq
- Sammisat timitalernerini ilisimasaqalerneq
Ilinniakkamit pissarsiassat
- Ilisimasaqarneq paasisimasaqarnerlu
- Pisinnaasaqarneq
- Piginnaasaqarneq
- a)
Ilisimasaqarneq paasisimasaqarnerlu
- Inuiaat Inuit piorsarsimassutsikkut oqaluttuarisaanerat Nunap Inoqqaavilu pillugit paasisimasaqarluarluni suliaqarsinnaaneq
- Naliminut naleqqiussilluni ilanngussillunilu tunniusimasumik suliaqarsinnaaneq
Isiginnaartitsinermi periutsinik atuisinnaaneq
- Isiginnaartitsinermut tunngasoq inuttaligaq isumaanillu paasinnilluni tamakkiisumik atuarlugulu missoqqissaarsinnaassagaa
- Eqqumiitsuliornermi ineriartortitsilluni sulinermi isumat periaatsinut tunngasut ilisimasamut naleqqiussinnaassallugit
- b)
Pisinnaasaqarneq
Ilinniartoq naammassinermini pisinnaasai:
- Inuttamik timitaliisinnaaneq
- Inuttap oqaasertaliisinnaaneq isiginnaartitsivimmilu oqalussinnaaneq
- Eqqarsaatsit, oqaatsit, nipi psykofysiskimillu aallaaveqartumik iliuuseqarnerit atorlugit isiginnaartitsivimmi takutitsisinnaaneq
- Tamakkiisumut atassusiilluni inuttamik immersuisinnaaneq
- Attaveqaatit naleqquttut iluanni sulilluarsinnaaneq
- Isiginnaagassiat pillugit ilisimatusarnerup aaqqissugaaneranik sianigisaqarpalaarneq taamaasillunilu isiginnaagassiami tamakkiisumi inuttap atuuffianik naliliisinnaaneq
- Pisuusaartitsinerni isiginnaagassiami pissutsinik uppernartumik takutitsisinnaaneq suleqatinut isiginnaartunullu naleqquttumik isiginnaagassiami oqaluttuarinninnermi akisussaaffeqarneq
- c)
Piginnaasaqarneq
Ilinniakkap naammassinerani ilinniartup pisinnaassavai:
- Isiginnaartitsisartutut sulinermini namminersorsinnaaneq suleqateqarluarsinnaanerlu aamma isiginnaartitsinerup sammisaani allani soqutigisaqarneq
- Ataatsimoorussap ingerlarngani sulilluarsinnaaneq paasinninnerlu aamma namminerisamik suliniuteqarnerup akisussaaffeqarnerullu isumaanik ataqqinninneq
- Namminerisamik isiginnaagassiatut oqaatsinik suleriutsinillu ilisarinninneq, naliliineq inerisaaqqinnerlu
- Ilisimasanik nutaanik, paasisimasaqassuseq nammineq sammisami pisinnaasaqalernerlu nammineq ujartuineq, ilanngullugu inuiaqatigiinni eqqumiitsuliornermilu ineriartornermi pikkajuttartut akuleruffiginninneq
QINNUTEQAAMMUT APEQQQUTISSAQARUIT APERIINNARIAAVUTIT
Apeqqutissaqaruit attavigitigut
ilinniarfik@nuis.gl
(+299) 38 13 81 / (+299) 38 13 78
