Nunatta Isiginnaartitsisarfianut tikilluarit

Isiginnaartitsisarfik

Nunatta Isiginnaartitsisarfia'aitaisiginnaartitsisartunngorniartarfianuttunngasut atuakkit

Isiginnaartitsisartunngorniarfik

Tigusaanissamut misilitsinnermuttunngasut annerusumik paasisaqarfigikkit

Tusagassiorfinnut

Tusagassiutinut atorneqarsinnaasut misissukkit

Siullerpaamik Nunatta Isiginnaartitsisarfia iserpiuk?

Uani atuarsinnaavatit qanoq ilillutit isiginnaartitsisarfimmi misigisassarsiornerit pissarsiaqaatinilluarsinnaanerit.

Takkutiaarit!

Inortuinnginnerussagavit isiginnaartitsisarfiliarnissat pilersaarusioruk. Isiginnaartitsisarfiup eqqaani biilinut uniffissaqarpoq, ilaatingooriarlunili ulikkaartarpoq. Taamaammat allatut iliorsinnaanissarnut pilersaarusiorit.

Qaqugukkut matut ammarneqartarpat?

Isiginnaartitsisarfiup silarlianut (foyer) nuannerluinnartumut isiginnaartitsinissamut akunneq ataasiinnanngoraangat matugut ammartarpagut. Isiginnaartitsisarfiup silarliani isissutissanik pisisinnaavutit kiisalu atisanut qallernut atisaajartarfik perusuersartarfiillu tassaniittut atorsinnaallugit. Ullormullu isiginnaartitsissummut takutitassamoortut quppersakkat atuarsinnaallugittaaq.

Qaqugu matut matuneqassappat? 

Isiginnaartitsissusiagut piffissaq eqqorlugu aallartittarput, isiginnaariallu inortuisut isertinneq ajorpagut. Tamanna pisarpoq isiginnaartitsisut kiisalu isiginnaariat misigisaqarluarnissaat eqqarsaatigalugit

Assiliineq

Assiliineq aalasulianillu immiussineq isiginnaartitsinerup ingerlanerani inerteqqutaavoq. Assinik aalasulianillu facebookimi quppernitsinni kiisalu nittartakkatsinni peqartuaannarpugut.

Nipiliorneq

Isiginaartitsineq uummaarissumik eqqumiitsulioriaasaavoq. Taamaalilluni isiginaariaalluni misigisassaq immikkuullarittarpoq isiginnaartitsisut taama qanitsigalugit isiginnaarnermi. Taannalu misigissuseq illuatungaanuttaaq ingerlasarpoq – tassami isiginnaartitsivimmiit isiginnaariat takuneqarsinnaallutillu tusaaneqarsinnaammata. Taamaammat ataqqinnigit misigisaq nipituumik eqqartornaveersaaruk isiginnaartitsinerup ingerlanerani, eqqartuineq unillatsiarnermi isiginnaagassialluunniit naareernerani pisinnaammat. Aamma eqqarsaatigissavat mamakujuit puuisa nipiliorpallaannginnissaat kiisalu oqarasuaativit angallattakkap qaminnganissaa flight mode-miinnissaaluunniit nammineq isumagissagakku.

Unillatsiarnerit

Isiginnaagassiani takinerusuni takutitsinerup affaata tikinnerani unillartsiarnerit pisarput, tamannalu isiginnaartitsinerup aallartinnginnerani tamanut nalunaarutigineqartarpoq.

Sillimasoq

Isiginnaartitsinerup ingerlanerani ajortoqalissagaluarpat arlaatigulluunniit ikiorneqarnissannik pisariaqartitsilissagaluaruit isiginnaartitsivimmi kiisalu isiginnaartitsiviup silarliani sillimasoqartuaannarpoq. Isiginnaartitsisarfimmi sulisut isiginnaartitsisarfiup ilisarnaataanik allalinnik tujuuloqartarput.

Misigisat siammarteruk

Imaassinnaavoq isiginnaarninni eqqarsaatit assigiinngitsut pilersimasut ilaquttannut ikinngutinnullu eqqaartorusussinnaagitit?

Immaqaluunniit imaassinnaasoq plakatiliarput nuannarigit kusagigilluunniit?

Nunatta Isiginnaartitsisarfiata nittartagaatigut www.NUIS.GL kiisalu Facebookimi quppernernitsinnit UANI misigisat/isiginnaarsimasat siammartersinnaavat.

Massakkut ingerlanneqartoq

HOMO SAPIENNE

26 – 28. APRIL 2019

Sivisussusaa:  90 min.
Ingerlanneqarfissaa: Nal. 19:00 – 19:30 illormi takutinneqarfissaani.
Målgruppi: 15 år-iniik ukiulinniik qummut
Oqaaserisaq: Kalaallisut

© Alle rettigheder forbeholdt Nunatta Isiginnaartitsisarfia, 2018 Powered by Nuna Media Designs.