Akunnerit 2018
Paasissutissat
Aallartiffissaq: 17. marts
Naggataarfissaq: 18. marts
Takutitsineq nipilersornertalik Akunnerit tassaavoq Laarseeraq Svendsenimut nipilersugassiaanut nersorinnissut. Unnuk nipilersorfiusoq inersimanerusunoortoq ataatsimoornermik nuannisaaqatigiinnermillu aallaaveqassaaq.
Isiginnaartitsineq pisimasuimmik tunngaveqanngilaq, taamaattorli erinnat nammineq oqaluttuartikkumaarpagut ullutsinnut isersaartillugit. Nipilersukkat nutaamik aaqqissuunneqarput erinarsortartunillu inuusuttunik pingasunit timitalersorneqassallutik.
Taallat nunatta pinngortitaanut inuinullu tulluusimaarpasissumik asannippasissumillu imalimmik sanaajupput. Sunali tamarmi nuannersuinnaanngilaq, taamaammat tupaallattoqalaarnissaanut kiisalu illaqatigiilaarnissamut periarfissaqarluassaaq.
Erinarsortartoq Laarseeraq Svendsen (1926-1975) 1950-60-kkunni tusaamaneqarlualerpoq. Erinnat 1958-1975-illu akornanni immiunneqarnikut suliarilluarneqarlutik 1990-mi saqqummersinneqarput CD-tut. Tassalu taakkuupput erinnat isiginnaartsitisarfimmi atorneqartussat.
Ilitsersuisoq: Karina Møller.
Erinarsortut: Kuunu Berthelsen, Nathan Kreutzmann aamma Kimmernaq Kjeldsen.
Aaqqissuisoq: Jim Milne.
Nipilersortut: Jim Milne, Titken Jacobsen, Hanne Saandvig Immanuelsen, Anders Øgaard.
Qullilerisoq: Gerth Lyberth.
Nipilerisoq: Fabrizio Barzanti.
Scenografi atisaliortorlu: Lisbeth K. Poulsen.
Ingerlatsisoq: Nunatta Isiginnaartitsisarfia.
