Akunnerit 2019

Takutitsineq nipilersornertalik Akunnerit tassaavoq Laarseeraq Svendsenimut nipilersugassiaanut nersorinnissut. Unnuk nipilersorfiusoq inersimanerusunoortoq ataatsimoornermik nuannisaaqatigiinnermillu aallaaveqassaaq.  

Isiginnaartitsineq pisimasuimmik tunngaveqanngilaq, taamaattorli erinnat nammineq oqaluttuartikkumaarpagut ullutsinnut isersaartillugit. Nipilersukkat nutaamik aaqqissuunneqarput erinarsortartunillu inuusuttunik pingasunit timitalersorneqassallutik.  

Taallat nunatta pinngortitaanut inuinullu tulluusimaarpasissumik asannippasissumillu imalimmik sanaajupput. Sunali tamarmi nuannersuinnaanngilaq, taamaammat tupaallattoqalaarnissaanut kiisalu illaqatigiilaarnissamut periarfissaqarluassaaq.  

Erinarsortartoq Laarseeraq Svendsen (1926-1975) 1950-60-kkunni tusaamaneqarlualerpoq. Erinnat 1958-1975-illu akornanni immiunneqarnikut suliarilluarneqarlutik 1990-mi saqqummersinneqarput CD-tut. Tassalu taakkuupput erinnat isiginnaartsitisarfimmi atorneqartussat.

Sivisussusaa: Akunneq ataaseq.

Oqaatsit atorneqartut: Kalaallisut qallunaatullu.

Ilitsersuisoq: Karina Møller.

Erinarsortut: Kuunu Berthelsen, Nathan Kreutzmann, Kimmernaq Kjeldsen.

Nipilersornermik aaqqissuisoq nipilersoqataasorlu: Jim Milne.

Nipilersortut: Titken Jacobsen, Hanne Saandvig Immanuelsen, Saga de Leon, Anders Øgaard.

Takussaasunik qullernillu ilusilersuisoq: Gerth Lyberth.

Nipilerisoq: Fabrizio Barzanti.

Isiginnaartitsiviup kiluanik aaqqissuisoq atisaliortorlu: Lisbeth K. Poulsen.

Ingerlatsisoq: Nunatta Isiginnaartitsisarfia.