Angalasoq 2020

Maanna Nuummi isiginnaariat allaanerusumik isiginnaartitsisarnermik misigisaqarsinnaalerput 'Angalasoq'.

Isiginnaartitsisarfimmi aqutsisoq Susanne Andreasen ima oqarpoq: "Piffissami nunarsuaq tamakkerlugu coronap ajornartorsiortitsinerata kingunerisaanik allanngoriartorfiusumi kikkullu tamarmik COVID-19 sunaanersoq ilisimalersimagaanni, uagut Nunatta Isiginnaartitsisarfiani pissutsit pissutigalugit nutaamik eqqarsarnissatsinnut piukkuppugut, tamannalu periarfissaq annertuutut isigaarput. Eqqumiitsuliornermik ineriartortitsinermi sulinissamut periarfissaq atorsimavarput aammalu suliamik pilersitsilluta, tunngaviusumik isiginnaartitsisarnermik isumassarsiorfiusumik aammalu ullumikkut oqaloqatigiinnermik ingerlatsisumik. Suliniut "Angalasoq"-mik taasarparput.”

"Angalasoq" ilisarisimasagut malillugit isiginnaartitsissutaanngilaq. Tassaavoq tusarnaartunut misigisassarsiorfiusoq piffissami aalajangersimasumi ammasoq, immaqa labyrintimut imaluunniit installationinut nalinginnaasunut isiginnaartut mikisunik gruppinik pulaartarfiannut sanilliunneqarsinnaavoq. Formi misigissutsikkut isiginnaartitsisarfimmiit tiguneqarpoq isiginnaartut misigissutsitik eqqarsaatersornertillu tamarmik inuunermik angalaarnermi assigiinngitsumik atorsinnaalerlugit.

Eqqumiitsuliornermik aqutsisoq: Susanne Andreasen

Ilusilersuinermut siunnersorti: Camilla Nielsen

Isiginnaartitsisartut/nipilersortartut: Kimmernaq Kjeldsen, Kristian Mølgaard, Karina Møller, Ujarneq Fleischer, Hans-Henrik Poulsen aamma Nukakkuluk Kreutzmann.

Teknikki: Gerth Lyberth.

Produktionschef aamma tourchef: Pilutaq Lundblad.