HOMO sapienne

2014-mi Niviaq Korneliussenip atuakkiani HOMO sapienne saqqummersimmangu assut ussatigineqarpoq, pissutissaqarluartumik. Atuakkiaq nunatsinni piviusuusoq malillugu allataq amigaatigineqarsimimmat. Siullermik oqaluttuaavoq asanninnermut, kinguaassiuutit atornerannut, inuusuttuunermut, kinaassutsimut, suiaassutsimut, imminut naninermut, ikinngutigiinnermut kiisalu inuiaqatigiinniit nalilersortittarnermut tunngasuuvoq.

Fia namminiunngilaq; aappilleqqavoq, isumaqanngitsunik oqaluppoq – Naatsumik oqaatigalugu asannileqqavoq! HOMO sapienne oqaluttuaavoq suiaaqatigisamik atoqateqartarnermik anillannermut tunngasoq, inuttat pingaarnerit tallimaapput – siuaaqatiminoortartut pingasut, tamanoortoq ataaseq aamma angut arnatut atisaqarumatooq.

Dramatikeri: Niviaq Korneliussen. 

Dramaturgitut suliarinnittut: Hanne Trap Friis, Susanne Andreasen.

Ilitsersuisoq: Hanne Trap Friis.

Isiginnaartitsisartut: Arnaq Petersen, Hans-Henrik Poulsen, Connie Kristoffersen, Najattaajaraq Joelsen, Ujarneq Fleischer. 

Scenograf aamma kostumier: Naja Rosing-Asvid.

Nipilersuusiortoq aamma nipimik iluarsaasartoq: Hans-Ole Amossen.

Qaammaqqutissanik iluarsaasartoq teknikkillu tungaatigut ingerlatsisoq: Gerth Lyberth.

Grafiskinik suliat: Gerth Lyberth.

Isiginnaartitsissusiornermut siulersuisoq: Manasse Berthelsen.

Isiginnaartitsissusiortoq: Nunatta Isiginnaartitsisarfia.

Isiginnaartitsissut makkunanit tapiiffigineqarpoq: Sermeq Fonden, Den grønlandske Fond, Selvstyrets Kulturmidler.

Nunatta Isiginnaartitsisarfianut pingaarnertut aningaasanik tapersersorti: Air Greenland.