Jappa

Jappa inuiaqatigiinni nakkaassimasuuvoq. Nulia allasiorajuppoq niuertoqarfimmilu naalagaasut Jappa sorpajuttut isigivaat. Jappap ajornartorsiuteqarnini putumarujussuarnermut saatittuarpaa. Niuertoqarfimmi naalagaasup ikiortini ilagalugit Jappa uukapaatikkusuppaa. Qaatusimanani aalakoortoq naalagaasup siniffianut innartippaat, iteruni qanoq iliussanersoq takuniarlugu.

Jappa iterami toqusimasorivoq qilammullu apuussimasoraluni….

Ludvig Holberg-ip 1722-mi quianartuliaralugu allassimasaa ”Jeppe på bjerget” tunngavigalugu isiginnaagassiaavoq, imaa ulloq manna tikillugu oqariartuuteqartuarpoq. Taamaattumik Nunatta Isiginnaartitsisarfiata Nunatsinni pisutut isiginnaagassiarivaa. Tamatumuuna baroni akimasooq nunatsinni niuertoqarfimmi naalagaavoq, Jappalu kalaaliusoq ikkatigalugu paatsiveerussarlugu. Isiginnaartitsisarfiup piffissanngorsoraa nunasiaataasimanerput qiviaqqilaassagipput, aamma quujanarsinnaasut eqqumiitsullu oqaluttuaralugit.

Sivisussusaa: 90 min.

Kikkunnut: Quliniit qummut ukiulinnut.

Oqaatsit: Kalaallisut qallunaatullu.

Ilitsersuisoq: Tormod Carlsen.

Nunatsinnut tulluussarnera: Svenn B. Syrin.

Isiginnaartitsisut:

• Miké Fencker Thomsen
• Svenn B. Syrinn
• Majbrit Bech
• Jens Axel Raahauge
• Makka Kleist
• Klaus Geisler
• Hans-Henrik Poulsen