Killingusaaq Qulangerlugu

Killingusaaq Qulangerlugu tassaavoq kalaallit nunaanni misissuinermi angalaqataasut inuit marluk oqaluttuarineqartut; Hans Hendrik Suersaq (1834-1889) Qeqertarsuatsiaanneersoq, angalaarnernut assigiinngitsunut sisamanut ilaasoq. Aammattaaq Arnarulunnguaq (1896-1933) Thulemeersoq, taanna Thule-mi angalanerni pingajussaani (1921-1924) ilaasimavoq.

Oqaluttuaavoq kalaallit nunaanni misissuillutik angalanerpassuarni peqataasimasuni inuit marluk, piffissap ingerlanerani issittumi angalaarnermi annerpaat ilaat peqatigalugit angalasimasut, kisiannili aqqi oqaluttuarisaanermi atuakkani qullerpaani inissisimasimanngitsut. Sumiiffimmi ilisimasaat, piginnaanertik naleqqussarsinnaassuserlu angalanerni pingaaruteqarluinnarsimapput.

Isiginnaartitsineq live-dokumentarfilmimik ilusilersorneqarpoq, tassani iliuuseq isiginnaartitsivimmi pisarpoq oqaluttuarlu nammineq hvidskærmimi takuneqartarluni. Isiginnaagassiaq kalaallisut isiginnaartitsissutigineqarpoq, tuluttut allagartalersorneqarluni.

Killingusaaq Qulangerlugu tassaavoq isiginnaartitsisartutut ilinniartumut Anna Elionora Olsen Rosingimut naammassinninnermi isiginnaagassiaq.

Manuskriptimik Suliaqartut: Vivi Sørensen, Connie Kristoffersen. 

Ilitsersuisoq: Vivi Sørensen.

Ilitsersuisumut ikiorti: Connie Kristoffersen.

Isiginnaartitsisartut: Anna Elionora Olsen Rosing, Hans-Henrik Suersaq Poulsen.

Isiginnaartitsinermi atortunik atisassanillu isumaginnittoq: Naleraq Eugenius.

Qullernik Ilusilersuisoq: Gerth Lyberth.

Nipilersukkat nipilu: Gerth Lyberth.

 Aqutsisoq: Pilutaq Lundblad.

Plakati programmilu: Gerth Lyberth.

Aaqqissuisut: Nunatta Isiginnaartitsisarfia.

Aningaasaqarneq allaffissornerlu: Edvard Lyberth-Mørch, Susanne Andreasen.

Oqaatsit: Kalaallisut, tuluttut undertekstilik.

Ukiut: 15+ 

Sivisussusaa: 55 minutsit.