Life’s an art

Norgemi isiginnaagassiarineqartoq Nunatta Isiginnaartitsisarfianut takutikkiartorneqalersup isiginnaartut inuunermi angalaarnermut ilaserissavai.

"Life’s an art" (Å leve er en kunst) - kisimiilluni isiginnaagassiaq inuuneq qiteralugu takutitassiaavoq.  Norgemi isiginnaartitsisartoq Jeanne Bøe mattuttoqarfik Tautramiitilluni nammineq misilittagarisimasani aallaavigalugit taavalu mattuttoq Anthony oqaloqatigisarneranit paasisat tunngavigalugit isiginnaagassiorsimavoq.

Isiginnaagassiortup mattuttoqarfimmiinnerata nalaani Anthon pingaaruteqarluinnartunngorsimavoq akilluartarnermigut siunnersuilluartarmigullu piffissami unammingaatsiarfiusumi tapertaalluartunngortoq. Oqalluttuarineqartoq nammineq allatat taavalu norgemi atuakkortup nuimasup Henrik Ibsenip allatai aallaavigalugit saqqummersinneqarpoq; ilaatigut nipilersuutit tunuliaqutsiussat, erinarsuutit, taallat qitinnerillu taakkunannga aallaaveqartut ilanngullugit.

Isiginnaagassiami aallaavigineqarput inuunermi aporfiusinnaasartut tamatta ilisarisinnaasagut: asanninneq, toqu, aliasunneq, maqaasineq, tarnikkut nappaateqarneq, uperisaq, qularnerlu. Isiginnaagassiaq unneqarilluni piviusut qanittut aallavigai nammineq misilittagarilersimasat isiginnaartunut ammaaviginnilluni nammineq inuunermi angallavigisimasanut angalaaqatiginninnerusoq.  

Isiginnaagassiaq Ibsenshusetimi Skienimiittumi takuteqattaarneqarneraniit naliliinerit pitsaalluinnarsimapput. Isiginnaagassiaq Nuuk aallartiffigalugu ukiut marluk angalaarullugu isiginnaartitsissutigineqarnissaa pisussanngorpoq. 
 
Jeanne Bøe isiginnaartitsisartuuvoq, isiginnaagassiortartoq, dramatikereq, atuakkiortoq ilisimasassarsiorlunilu angalatooq. Nunatsinnut angalarngaatigissavaa, Nunatta Isiginnaartitsisarfia isumaqatigalugu isiginnaagassiaq tuluttut takunneqassaaq.

Ilitsersuisoq: Kim Haugen.

Isiginnnaartitsisoq: Jeanne Bøe.

Oqaluttuusut: Toralf Maurstad og Kim Haugen.

Nipilersuusiortoq: Thomas Moen.

Koreografi: Lars Jacob Holm.

Nipi/qulleq og scenografivideot: Bernt S. Andersen.

Plakat: Gerth Lyberth.

Isiginnaagassiaq pillugu

Ukiut: 16+

Oqaatsit: Tuluttut.

Sivisussuseq: 60 min.