Qummut Pujorit

Qummut Pujorit isiginnaagassiaavoq nipilersornermik tusarnaartitsinerusoq. Ole Kristiansennip erinniai taalliaalu atorlugit isiginnaagassiaq oqaluttuarineqarpoq. Ikinngutigiit julefrokosternerat takutinneqarpoq, ilaatigut ikinngutigiinnermik, aapparisimasanik, unnuullu unammillernartuanik imaqartoq. 

Isiginnaagassiamut ilitsersuisuuvoq Vivi Sørensen. Isiginnaagassiamut peqataapput Nunatta Isiginnaartitsinermik ilinniarfiani ilinniartut, isiginnaartitsisartoq, nipilersortartut marluk kiisalu Nunavummi eqqumiitsuliortut pinngorartitsisullu peqatigiiffiannit Qaggiavuumiit pulaartoq. Ilaasut tamarmik ataatsimoorlutik isiginnaagassiaq pilersippaat.