Rosa Marie-p tiguartikkaluarnera

Isiginnaagassiaq isiginnaalikkat Wendy Lill-ip isiginnaartitsissuiaanik ”The Occupation of Heather Rose” (Canada, 1987)- imik aallaaveqarpoq. Inuttaasa aqqi sumiiffiillu kalaallit akornanni pissusiviusunut arlalittigut reservatini arlalippassuarni pissutsinut assersuunneqarsinnaasunut tulluartunngorlugit allanngortinneqarsimapput. 

Rosa Marie Andersen-ip nunaqarfimmi piviusuunngitsumi Kalaallit Nunaanni Qeqertarsuup Tunuaniitinneqartumi 1969-mi sygeplejerskisut sulisimanermini pisimasut oqaluttuarai. Inuusuttutut uppertikkuminarluni kusanartumik suliaqarusuttutut Danmarkimi Århusimiit peroriartorfigisaminit  pitsaavallaanngitsumik angusaqarluni sygeplejersinngoreerluni Qeqertarsuup Tunuanut aallarpoq. 

Qaammatit qulingiluat qaangiummata pakatsisimaqaluni “annaassiniarluni ikiuiniarlunilu” suliniarsimanini unitsillugu Danmarkimut uterpoq. Nammineq oqaluttuassartaa qulaarneqareermat, Qeqertarsuullu Tunuani inuiaqatigiit akornanni socialimut tunngasut piviusut, “ikiuukkiartorlutik” Qeqertarsuup Tunuanut aallartinneqartut pikkorlunnerat takutinneqareermat, Rosa Marie-p sianissutsimigut nakkaakkiartornera pakatsineralu ilisimannittutut isiginnaalerparput. Rosa Marie aalajangerpoq peqqinnissamut qullersaqarfimmi sulisut namminerminik atorfinitsitsisut saassunniarlugit. Kisianni frøken Jensen peqqinnissamut qullersaqarfimmeersoq takkutinngimmat isiginnaartuusugut tassaalerpugut Rosa Marie-p ilisimannittai, saniatigut inuinnartut aalajangiiniartussat.  

Isiginnaagassiaq una inersimasunut 16-niit qummut ukiulinnut naatsorsuussaavoq.

Ilitsersuisoq: Patti Shaughnessy.

Isiginnaartitsisoq: Else Danielsen.

Dramatiker: Wendy Lill.

Scenograf: Camilla Nielsen.

Assiliartalersuisoq: Gerth Lyberth.

Qullilerisoq: Ilannguaq Kleist.

Nipilerisoq: Gerth W. Lyberth.

Produktionsleder: Bendo Schmidt.

Atisaliortoq mersortorlu: Kirsten Mortensen.