Toqqortat

"Tarrajuttumi aammalu eqqissisimaarnermi oqaaseq nutaaq inuusuttup Sikkersup naavata iluani pinngulersarpoq. Oqaatsip isumaa tassunga toqqorsimavoq. Taanna isertugaqarfik silarsuaannut isumaa paasiniarlugu misigisassarsiortariaqarpoq. Toqqortat silarsuaat".

Toqqortat tassaassaaq sumiiffimmi immikkut ittumik isiginnaartitsineq, tassani rigging, pyroteknikki aamma cirkusi inuit kiinarpalerlutik qitinnermik, oqaluttuarisaarnermik aamma oqaluttualiornermik naapitsissapput. Qulequtaq arfinilinnik sceninik tunngaveqartussaavoq: Taarneq, Aput, Imeq/Sikoq, Ikuallak, Illoqarfik aamma Asanninneq. Pissutsit assigiinngitsut ataatsimoortinneqarnerat immikkuullarissuussaaq, pingaartumik Kalaallit Nunaat pilersitsinermut isiginnaartitsisarnermullu inissisimammat. Nunani assigiinngitsuni arfineq-marlunni proffesional-imik isiginnaartitsisartut teknikkerillu 20-t 30-llu akornanniittut kiisalu sumiiffinni gruppit kattuffiillu peqataassapput.

Peqataasut

• Nunatta Isiginnaartitsisarfia.
• Nunatta Isiginnaartitsinermik Ilinniarfia.
• Circus Arts / Burnt Out Punks (Sverige).
• The Academy for Untamed Creativity – AFUK (Danmark).
• Salpaus Further Education (Finland).
• Atempo Circ (Spania).
• Vesturport Theatre (Island).
• Grenland friteater (Norge).