Tulugak

Tulugak tassaavoq eqqumiitsuliortunit ataatsimoorussamik suliaq soorlu Kalaallit Nunaanneersunit, Nunavimmeersunit aamma Nunavummeersunit. Tulugaq Inuit oqaluttuarisaanik issittumi tulukkat pillugit misissuisimavoq. Isiginnaagassiarlu qitinnermik, nipilersornermik (ullutsinnut aamma iloqqutoqqanut tulluarsakkat), cirkus-imik, isiginnaartitsinermik aamma oqaluttualiornermik imaqarpoq.

Tulugak maajimi 2012-imi Nuummi Katuami 15-inik isiginnaartitsisoqarluni aallaqqaammut sungiusarneqarpoq. Kalaallinik isiginnaartitsisartunik marlunnik peqarlutik, isiginnaartitsisartut amerlanersaat aamma tulukkat oqaluttuaataat Nunavimmit aamma Nunavummit aallaaveqarput.

Tamatuma kingorna Sylvia Cloutier-ip Makka Kleist aamma Svenn Syrin kiisalu Nunatta Isiginnaartitsisarfiani isiginnaartitsisarnermik ilinniarfimmi ilinniartut qaaqqusimavai kalaallit tulukkanik oqaluttuaq isumassarsiorfiginiarlugit, Canadami Nationalscene-mi (National Arts Centre, Ottawa) saqqummersinneqartussamik annertunerusumut ilanngunneqarsinnaasumik. Suleqatigiinneq, sungiusarneq saqqummiussinerlu Canadami ingerlanneqarput.