Ilinniarfik pillugu
Nunatta Isiginnaartitsinermik Ilinniarfia
Nunatta Isiginnaartitsinermik ilinniarfiani ilinniarneq ukiunik marlunnik sivisussuseqartarpoq, ukiunilu ilinniarfiusuni ilinniartunik tallimanik ilinniartoqarsinnaasarluni.
Ukiut marluk ingerlaneranni ilinniartut ullaat tamaasa timersorlutik aallartittarput.
Ilinniarfiup aamma pingaartippaa ilinniartut piorsarsimassutsikkut ilisimasaat misilittagaallu ineriartortissallugit, taamaammat ilinniarfimmi ilinniarneqartarput Uaajeerneq, qulliliorneq atornissaalu, qilaasiorneq qilaatersornerlu.
-
Isiginnaartitseriaatsit assigiinngitsut
-
Isiginnaagassiamik sukumissumik misissuineq
-
Isiginnaagassialiornermik allanneq
-
Nammineq isiginnaagassialiorneq
-
Nipip atornissaa
-
Erinarsorneq / Nipilersorneq
-
Kalaallisut
-
Media
-
Isiginnaartitsineq
-
Nunatsinni isiginnaagassiamik angallassineq
-
Ilinniarnermut atatillugu suliffimmik misiliineq (Praktik)
-
Paasisassarsiorluni angalaneq
Qinnuteqarit ⟶
Sivisussuseq
Ukiut Marluk
Ilinnialernissamut piumasaqaatit
18-ilereersimassaatit. Videomik immiussamik qinnuteqaat
Qinnuteqartitsinermi qassit isersinnaasut
Amerlanerpaamik tallimat
Oqaatsit
Kalaallisut Tuluttullu
Qinnuteqarfissaq
Misilitsinneq Siulleq (video): 5. Januar 2023. Misilitsinnerup tullia: 12. & 13. februar
Ileqqut pingaartitavut
Qilaatersorneq
Immikkut isiginnaartitsisartunngorniarlutik ilinniartut nammineq qilaatissaminnik sanaannaratik aamma qilaatip atornissaanik ilinniartinneqartarput.
Uaajerneq
Isiginnaartitseriaatsitut atorneqalernikoq nunatsinni kulturitsinni nutaajunerusumi atorneqalersimasoq uaajeerneq nunatta kangianiit aallaavilik ilinniarneqartarportaaq.
Qulleq
Qulleq atorneerukkaluaq sananissaanut iperassaanik katersinissamut ikumatinnissaalu ilinniartitsissutigineqartarpoq.
