Angakkussaq

Ukioq manna Nunatta Isiginnaartitsisarfia ukiunik qulinngortorsiorpoq - tamatta pilluarta. Isiginnaartitsinerup silarsuaani oqariartaaseq una atukulavarput ‘siuaasatta pikkorissorsuit paasinnittariaasaat malillugit siumut ingerlavugut’, tamanna inuunitsinni aamma oqaluttuani oqaluttuarisartakkatsinni ilumoorpoq. 

Suliffeqarfipput siulitsinnit pilersinneqarpoq neriunnartumillu suli eqqumiitsuliornermik piorsarsimassutsimillu inuttut nunamillu ataqatigiissitsisumik pilersitsiuarumaarpoq. 

Tulluusimaarutigaarput oqaluttualiaq nersornaaserneqarsimasoq Those Who Run in the Sky tunngavigalugu isiginnaarusiap Angakkussap nunarsuarmi takutinneqaqqaarneranik ukioq manna aallarnileratsigu; Canadamiup naggueqatitta, Aviaq Johnstonip oqaluttualiaa atuagaq, taamaasillutalu Canadami nunatsinnilu Inuit eqqumiitsuliortut imminnut qaninnerat nersorparput.

Ilitsersuisoq: Patti Shaughnessy (CA).

Isiginnartitsisut: Kristian Mølgaard, Hans-Henrik Suersaq Poulsen, Majbritt Bech and Connie Kristoffersen.

Nunatta Isiginnaartitsisarfiani isiginnaartitsisarfimmi aqutsisoq aamma dramaturgi: Susanne Andreasen.

Ilusilersuisoq atisaliortorlu: Camilla Nielsen.

Nipilerisoq: Hans-Ole Amossen.

Visuals: Gerth Lyberth.

Tunisassiortoq: Nunatta Isiginnaartitsisarfia.