Angakkussaq 2022

Inuusuttunut inersimasunullu 'coming of age'-mik isiginnaagassiaq Nunatta Isiginnaartitsisarfianit isiginnaagassiarineqaqqilerpoq. Tamatumuuna isiginnaartitsisartutut ilinniartut Nunatta Isiginnaartitsisarfiata Ilinniarfimmeersut isiginnaartitsisartoqatigiinnut ilaallutik.

Angakkussaq - quliniit qummut ukiulinnut isiginnaagassiaq. Angakkussaq tassaavoq oqaluttualiaq "Those Who Run in the Sky"-imit tigulaagaq, taannalu oqaluttualiaq Canadami Igloolimmiit atuakkiortumit Aviaq Johnston-imit atuakkiarineqarnikuuvoq.

Pitu angakkutut pisinnaasaminik atuinissamut ilinniartoq uani isiginnaagassiami pineqarpoq. Isiginnaagassiaq timitalersortuuvoq pissanganartuliaq, Pitullu inersimasunngornermini angalaarnera takutinneqarluni; tassani angerlarsimaffimminut uterniarnini anersaat, uumasut, qimmit qimuttullu naapittarpai. Isiginnaagassiaq inuit oqaluttuarisaanerannik angalaneruvoq naak Nunavummi Igloolik eqqaani pisimagaluartoq taamaattorli aamma maani Kalaallit Nunaanni pisimasinnaagaluarpoq. Inuit kulturiannik tunngaveqartumik fantasi-mik isiginnaartitsineq misigiuk.

Isiginnaartitsineq Nuummi takutinneqarpoq kingornalu Canadami angallanneqarluni tassani Alianait Art Festival 2022-mi isiginnaartitsineqarnissamut qaaqquneqarluni.

Ilitsersuisoq: Patti Shaughnessy (CA).

Timikkut aalanermik ilitsersuisoq: Bill Coleman.

Isiginnaartitsisoq: Josef Tarrak-Petrussen.

Isiginnaartitsisartutut ilinniartut: Milla Marie Petersen, Salik Gudmundsen Lennert, Dina Fisker Sandgreen.