Juulimaaq Nannullu Anersaava

Isiginnaagassiami aallaavigineqarpoq Bent Haller-ip atuakkiaa "Historien om Julemanden". Suliareqqinneqarpoq isiginnaagassianngorlugu kiisalu kalaallit oqaluttuaatitoqqagut aallaavigalugit. 

Oqaluttuaq ullukinnerup nalaani pivoq qaamarngup taartullu kiisalu ajortut ajunngitsullu akornanni sorsuttoqarluni. Innersuit seqineq tigusarisimavaat sunalu tamaat taartuinnanngorlugu. Nanoq qaamaneq uterteqqinniarlugu sorsukkaluarpoq, sorsunnerminili ikilerneqarujussuarluni. 

Meeqqat marluk sapiitsorujussuit nanoq ikiulerpaat peqqissarlugu. Meeqqallu seqineq uterteqqinniarlugu sorsulerput, seqinerlu uterteqqinniarlugu sorsunnerminni sapiissusertik, silappaarissusertik tullimullu asanninnitik tamaviisa atortariaqarpaat ajugaassagunik.

Oqaatsit: Kalaallisut.

Kikkunnut: 6+

Sivisussusia: 65 min.

Atuakkiortoq: Bent Haller.

Suliarinneqqiisut: Nalle Laanela, Naja Rosing-Asvid, Ane Marie Ottosen & Oskar Hejll.

Nutserisoq: Ane Marie Ottosen.

Ilitsersuisoq: Nalle Laanela.

Isiginnaartitsisut:

• Kimmernaq Kjeldsen.
• Majbritt Bech.
• Hans-Henrik Suersaq Poulsen.

Inuusat, kiinarpaat, atisat atortullu: Oskar Hejll & Naja Rosing-Asvid.

Erinarsuutit: Kimmernaq Kjeldsen, Hans-Henrik Suersaq Poulsen & Gerth Lyberth.

Qullernik ilusilersuisoq: Naleraq Eugenius.

Nipinik ilusilersuisoq: Gerth Lyberth.

Kiinnat qalipanneri nujaasanillu sanasoq: Eumorfia Emma Dimitroglou.

Mersortoq: Kirsten Mortensen.

Teknikkikkut ingerlatsisut: Gerth Lyberth.

Allagartarsuup ilusilersornera: Gerth Lyberth. 

Erinarsuutit atorneqartut:

"Seqinersuaq"

Taall./erinn.: Jonathan Petersen.

"Aassuutit pakku"

Taall./erinn.: Kimmernaq Kjeldsen & Hans-Henrik Suersaq Poulsen.

"Ersinguit"

Taall./erinn.: Kimmernaq Kjeldsen, Hans-Henrik Suersaq Poulsen & Gerth Lyberth.

Erinnioqataasoq: Miké Fencker Thomsen.

Isiginnaagassiortitsisoq: Nunatta Isiginnaartitsisarfia.