Runes Next Zone

RUNES suliaavoq qititassiatut isiginnaagassiaq, nunani avannarlerni upperisatoqqanit, vikinginit kiisalu filmimit immikkut nuannarisaasumik Hunger Games isumassarsiorfigineqarsimallutik.

Breakdance, nutaamik qiteriaatsit, nutaamik cirkussiliornerillu akuleriisillugit isiginnaagassiaavoq, qitittartut asanninnermik, pissaanermik, sorsunnermik neriuuteqarnermillu sunnerneqarsimapput. Qanga, maanna siunissarlu akuleriisillugit. Inuit timaat titartakkatut rune-tut, vikingit ilusilersugaattut ”Bayeuz-tapetitut isikkoqarput.

Isiginnaagassiami naapissavagut silaarutiivillutik sorsuttartut, nunat avannarliit guutiitut piginnaasallit, inuit ulluinnarni inuunerannut sunniuteqartartut, upperisatoqqaniit affarmik inuit affarmillu uumasorujuttut isikkullut, pulateriaarsuit, nattorallit valkyrillu.

RUNES-ip pilersinniarneranut isumassarsisuupput isiginnaartitsisartoqatigiit Next Zone aamma alaatsinik ilusilersuisartoq Lene Boel.

Rex Cassell erinniortuuvoq Jesper Kongshaug-ilu qullernik ilusilersuisuulluni. Isiginnaagassiami qititassiaasumi inuttaapput nunanit arlalerneersut break-dansertartut, nutaaliasunik qitittartut kiisalu cirkus-imi inuttaasartut pikkorissutsimikkut nunarsuarmi pitsaanernut ilaasut.