Trails and Tales of Nuuk 2021

2021-mi ukiut 300-nngorput Hans Egede Kalaallit Nunaannut tikinneranit, Nunattalu Isiginnaartitsisarfiata aamma Katersugaasivik Nuutoqaq - Nuummi Najukkami Katersugaasivik tamanna malunnartinniarpaat.

“Trails & Tales of Nuuk” illoqarfimmi pisuttuarneruvoq oqaluttuarisaanermi avatangiiseq isiginnaartitsisarfittut najoqqutaralugu Tassaavoq isiginnaartitsineq oqaluttuarisaanerlu akuleriissillugit. Isiginnaartut pissanganartumik Nunatta Nuullu oqaluttuarisaaneranut malinnaatinneqassapput Dorset-inuinit aallartittumik, nunasiaataaneq aqqusaarlugu ullumimut Nuuk nutaaliaasoq ileqqunillu oqaluttuassartaqaqisoq ilanngullugu. Pissanganartut ilumoortumik illoqarfiup pileqqaarfia tunuliaqutaralugu, sanaartukkat oqaluttuassartallit soorunalumi imaq illoqarfillu uummaarissoq nipitaliullugit. Isiginnaartitsisartut inuusuttut pingasut oqaluttuarisaaneq uummaarissisissavaat, Nuup pisoqartaani angallatiitigalutit.

Manuskrift: Pia Bredow.

Isumassarsisoq ilitsersuisorlu: Susanne Andreasen

Isiginnaartitsisut: Nukakkuluk Kreutzmann, Najattaajaraq Joelsen, Josef Tarrak Petrussen.

Nuutoqqami aqutsisoq, projektledelse tuniniaasorlu: Vinni Birkedal.

Nunatta Isiginnaartitsisarfiani Administration: Edvard Lyberth Mørch, Susanne Andreasen.

Tunisassiornermut aqutsisoq: Pilutaq Lundblad.

Atisalersuisoq: Camilla Nielsen.

Mersortoq: Kirsten Mortensen.

Plakat, allagartaq, assiliisoq: Gerth Lyberth.

Billetsinik tuniniaasoq: Elise Bruun, Uummatikkut angalaneq.

Pilersitsisut: Nunatta Isiginnaartitsisarfia aamma Nuutoqaq - Nuuk Lokalmuseum.

Isiginnaagassiamut tapersiisoq: Sermeq Puljen.